Mabilis na nakarating kay DJ Mo Twister, na kasalukuyang naka-base sa New York, ang pag-spoof ni Ogie Alcasid sa kanyang kontrobersyal na video diary sa Mr. & Mrs. A Valentine concert kagabi sa Araneta Coliseum. Sa nasabing concert, gumawa ng kani-kanilang video diaries si Ogie at ang asawang si Regine Velasquez bilang bahagi ng show.
Inilalarawan ng mga video diaries nina Regine at Ogie ang mga pinagdadaanan ng mga mag-asawa kapag may hindi pagkakaunawaan. Paiyak-iyak kunwari at nagsasalita nang may American accent si Ogie sa kanyang ginawang video na may pagkakahawig sa video diary ni Mo.
Marami sa mga nanood ang natawa sa ginawa ni Ogie dahil na rin sa pagkakatulad nito sa video diary ni Mo na kumalat sa internet noong isang taon bago umalis ng bansa ang DJ. Sa nasabing video diary, isiniwalat ni Mo ang diumano'y planong pagpapalaglag ng dati niyang girlfriend na si Rhian Ramos sa kanilang "baby."
Ngunit mukhang hindi natuwa si Mo. Nang malaman ang ginawang pag-spoof sa kanya ni Ogie, agad na nag-tweet ang DJ ng mga sarcastic messages sa kanyang Twitter account.
"Just heard @ogiealcasid made fun of me crying in the abortion video. Classy move bud. Didnt you just have a child? Glad, its alive.
"hey guys, dont worry bout it. i'm sure he got a good laugh out of it. a few kids dying is pretty fucking funny. unless its his @ogiealcasid," ang mga patutsada ni Mo sa Twitter.
Sa reply naman ni Mo sa tweet ng isa niyang follower, naging mas madrama pa ang kanyang mga binitiwang pahayag: "exactly. at times i feel like the only people who understand how hard it was are parents who have lost children. so much is made bout careers being ruined, etc. nobody knows how much i fought to keep it alive. there is a darker deeper story here yet no one gets how hard and miserable it was to go through it. everyone mourns differently and you never get over it. I have a sick daughter now and after losing the last one, you just look for avenues for something to hold on to. I go back to the hospital, i take pictures of where it happened, i hold on to anything I have left. People will never understand."
Ayon naman sa kampo ni Ogie, "It was done in spirit of comedy. No intention to offend anybody."
Kaninang umaga ay ibinalita ni Mo sa pamamagitan pa rin ng kanyang Twitter account na nag-text umano at humingi sa kanya ng apology si Ogie. "thanks for offering an apology @ogiealcasid I texted you back, hope you got it," tweet ni Mo.
Panooring ang kontrobersiyal na video diary ni Mo Twister sa ibaba:
