theChicka.com

Matapos masangkot sa abortion issue, magbabalik na daw si Rhian Ramos sa showbiz.  Noong Linggo ay napanood na siya sa Party Pilipinas para sa promo ng pelikulang The Road ng GMA Films na ipapalabas sa US at Canada. Dadalo daw sa international red carpet premiere sina Rhian, ang iba pang cast members at ang direktor ng nasabing suspense horror film.

Matatandaang nagpaalam si Rhian sa showbiz sa gitna ng kontrobersyang kinasangkutan niya noong isang taon. Ayon kasi sa kumalat na video diary ng dating boyfriend ng aktres na si Mo Twister, ipinalaglag daw ni Rhian ang kanilang baby sa Singapore.  Hanggang sa ngayon ay di pa rin inaamin o dine-deny ng aktres kung totoo ang sinasabing ito tungkol sa kanya ng dating karelasyon.

Taliwas sa unang balita na magwawakas na ang comedy musical talk show na Gandang Gabi Vice ni Vice Ganda, magpapatuloy pa rin ito sa paghahatid ng ligaya tuwing Linggo ng gabi sa Kapamilya Network.

Ayon mismo kay Vice, ang naganap na finale episode kagabi ay pagwawakas lamang ng season 1 at sa darating na Linggo ay magsismula na ang season two ng programang binansagan ding "trending capital of the Philippines" dahil laging nagte-trending sa Twitter ang programa at ang mga guests dito.

Ilo-launch na ang bagong daily noontime variety-game show na Game N Go ng TV5 sa March 10, 2012 sa ganap na 11:30 a.m. Makakatapat nito ang Eat Bulaga! ng GMA at It's Showtime ng ABS-CBN.

Sina Edu Manzano at Shalani Soledad-Romulo ang magiging hosts ng nasabing programa at napabalitang makakasama rin sina Gelli de Belen, Tuesday Vargas,  Pretty Trizsa, April "Congrats" Gustillo at Arnell Ignacio.

Kuhang-kuha ng camera ang biglang pagtumba at pagkawala ng malay ni Pauleen Luna habang ginagawa ang segment na Juan for All, All For Juan ng Eat Bulaga sa Davao noong Lunes. Kapansin-pansin na matamlay na ang aktres sa simula pa lang ng segment at bigla na lang itong nag-collapse habang ini-interview ang isang contestant.